Í dag, 2 júlí eru liðin 2 ár liðin frá einum versta degi lífs okkar.. Heiddi frændi dó þennan dag í mótórhjólaslysi..
Mér finnst þessi 2 ár búin að vera fljót að líða og stundum er eins og ég hafi fengið þessa símhringu frá pabba í gær... Samt er einhvernvegin svo margt búið að gerast síðan þá..
Mér finnst þessi dagur erfiður, ég virðist endurupplifa þennan sama dag fyrir tveim árum og ég á erfitt á þessum degi.. Mér finnst lífið vera ósanngjarnt í dag...

Elsku Heiddi, við söknum þín alltaf.. Ég er búin að hugsa mikið um þig og slysið undanfarið.. Sérstaklega á þessari meðgöngu... Mér finnst margt minna mig á þig og tímana með þér þegar ég var bara krakki... Við fórum að leiðinu þínu áðan og það var gott að koma þangað þó að ég hafi fellt eitt og eitt tár... Það er ýmislegt fallegt og spennandi búið að gerast hjá okkur öllum á þessum tveim árum síðan þú fórst og búið að vera nóg að gera.. En við tökum okkur alltaf tíma til að hugsa til þín og minnast... Minnast góðu stundanna með þér...

Ég var að líta út um gluggann og það er komin þessi líka fallega kvöldsól.. Það er búið að vera grátt yfir og rigning síðustu daga en ég er viss um að þú ert að senda mér smá bros núna...

Ég veit að þú heldur áfram að vaka yfir okkur öllum hinum sem erum ennþá hérna niðri og ég veit að þú átt eftir að vaka yfir stráknum okkar Steina þegar hann kemur í þennan heim...

Ég sakna þín og hugsa til þín

Jæja ætli maður driti ekki niður einu bloggi hérna á þetta blessaða blogg... Er samt alveg að hugsa um að fara að hætta þessu jafnvel bara... Efast um að margir séu enn að skoða þetta blogg og allavega er eiginlega ENGINN að kvitta Þannig að ég veit ekki hvort maður á að nenna þessu lengur...
En ég sé til.. Kannski er þessi bloggheimur bara að detta úr tísku... Allt þetta myspace dæmi er held ég bara að taka völdin sko.. En ég nenni sko ekki fyrir mitt litla líf að reyna eitthvað við það fyrirbæri...

En yfir í annað, meðgangan gengur bara vel en ég viðurkenni það fúslega að maður er farin að þreytast all verulega... Ég er komin akkúrat 29 vikur og ég er orðin svolítið þreytt á löngum vinnudögum... Eins og þessi leikskólavinna er yndisleg þá er þetta mikið tos.. Og þar sem leikskólinn er á tveim hæðum þarf maður að labba nokkrar ferðir upp og niður stigann og það er stundum ekki alveg að gera sig... Kem orðið litlu í verk hérna heima þegar ég kem heim og VÁ hvað mér leiðist það.... En það er bara þessi vika og svo er komið sumarfrí í tvær vikur.. Svo er ég að hugsa um að minnka vinnuna eitthvað aðeins í byrjun ágúst... Bara svona aðeins til að hafa smá orku í eitthvað annað en bara vinnuna....
En nóg af kvarti... hehe, vegna þess að fyrir utan þreytu og smá bakverki þá finnst mér alveg yndislegt að vera ólétt... En ég get líka ekki beðið eftir að kúturinn kemur í heiminn í september....

Jæja, þar sem ekki mikið annað er á dagskrá hjá mér þessa dagana nema bara vinna og meðgangan þá hef ég bara ekkert meira að segja núna...
Ætla að sjá aðeins til hvort ég haldi áfram að blogga... Kemur í ljós allt saman hvað ég nenni....

BLLLLEEEEE
Freyja Djé

Jæja, þá er kominn 18 júní gott fólk.. Jeminn hvað þessi blessaði tími flýgur áfram.... En allavega, 17. júní í gær og það var bara ágætisdagur.. Alltaf góðir svona frídagar sem stytta vikurnar... En bíladagar voru haldnir hérna um helgina og bærinn bókstaflega fylltist af fólki.... Ég kíkti aðeins út á föstudagskvöldinu sem var svo sem allt í lagi... Ekki alveg að fitta inn samt þarna með ístruna út í loftið... hehe en samt gaman að kíkja aðeins út á lífið...

Núna fljúga vikurnar alveg áfram og ég er komin 27 vikur á leið á meðgöngunni... akkúrat 3 mánuðir eftir... við erum orðin mjög spennt að fá prinsinn okkar í heiminn.. Það var verslað einhver slatti á kútinn úti á Florida og svo gerum við okkur líklega eina ferð suður í sumar og kaupum þá bílstól og svona.. Erum búin að velja okkur vagn þannig að þetta verður allt voða fínt...
Skelli inn einni nýlegri bumbumynd


Það var auðvitað algjör snilld úti á Florida eins og alltaf en nú tekur við aðeins leiðinlegri hlutir.. borga brúsann.... En það er víst hluti af þessu öllu.....
En jæja, ætla að hætta þessu í bili og halda áfram að horfa á sjónvarpið...
Svo getið þið endilega fylgst með á barnalandssíðunni okkur... bumbugull08.barnaland.is og endilega sendið mér bara póst til að fá lykilorðið

Freyja Dan

Í kvöld var síðasta opna húsið sem ég vinn á...  Þar sem að ég fer til Florida á þriðjudaginn og þegar ég kem til baka þá verður skólinn hjá þeim búinn.... Ég verð að viðurkenna það að ég á eftir að sakna þess alveg helling að vinna með krökkunum mínum... Hef virkilega gaman af þeim og hef náð mjög vel saman við þau.... En ég fer reyndar í eina óvissuferð með starfslistanum þegar ég kem heim og það er það síðasta sem gert er í starfinu... En ég sagði nú við þau að ég ætlaði að kíkja í heimsókn til þeirra næsta haust þegar prinsinn verður kominn í heiminn.. Þau voru auðvitað þvílíkt spennt fyrir því og krakkarnir sem eru núna í 10 bekk ætla sko pottþétt að mæta þá þó að þau verði komin í framhaldsskóla...
Þau eru búin að spyrja mig svo spjörunum úr í sambandi við óléttuna.. Þau eru öll þvílíkt spennt fyrir þessu og ýmsar skemmtilegar spurningar sem ég hef þurft að svar.... hehe Þau eru náttúrulega bara æðisleg þessir krakkar... Margir eru mjög undrandi á því hvernig ég nenni að vinna með svona unglingum en mér finnst þetta bara svo skemmtilegir og fyndnir einstaklingar... Myndi miklu frekar vilja vinna með unglingunum heldur en yngri krökkunum í grunnskóla... Mér finnst leikskólaaldurinn og svo þessir unglingar á skemmtilegasta aldrinum til að vinna með..

En yfir i annað.. Síðasti vinnudagurinn á morgun fyrir Florida ferð og ég er bara orðin mjög svo spennt... Steini ætlar að reyna að vinna eitthvað um helgina og við stefnum svo á það að fara suður á mánudaginn....
OHHHH ég hlakka svo til

Hérna eru Steini og Gústi í lauginni góðu...



Þarna munum við þokkalega mikið hanga...



Í sumar og SSSSÓÓÓLLLLL

En jæja, nú er kallinn farinn að reka á eftir mér að fara inn í rúm... Er nú yfirleitt öfugt farið og ég farin fyrr inn....

En hafið það gott elskur og ég blogga líklega ekkert fyrr en bara úti á Florida beibí...
Takk fyrir mig...

Freyja Dan.... Ofurhamingjusöm


þessi mynd er tekin kvöldið sem ég og Steini minn trúlofuðum okkur... Voða happy gella eitthvað...

Já eins og titiillinn gefur til kynna þá hafa undanfarnir dagar einkennst af frekar mikilli þreytu hjá minni.. skil ekki hvað er í gangi með mig.. Er svo þreytt alltaf í líkamanum mínum eitthvað... þreytt í mjöðmunum, fótunum og bakinu..... Var alveg búin á því í gærkvöldi.... En núna er kominn laugardagur og ég er mun hressari

Annars er allt gott að frétta af okkur eins og venjulega.... litli stækkar og stækkar í bumbunni og tíminn er farinn að fljúga áfram núna.. Er farin að finna alveg fullt af hreyfingum og það er bara gaman.... Hann var þvílíkt fjörugur a fimmtudagskvöldið þegar ég var lögst inn í rúm og ég fór alltaf að skellihlæja þegar hann byrjaði að sparka.... Steini alveg að sofna við hliðina á mér og skildi ekkert í því hvað væri voðalega gaman hjá mér svona rétt fyrir svefninn... hehe Bara gaman að þessu...

Það styttist alltaf í að við förum til Orlando og verð ég að segja að maður er orðinn geðveikt spenntur að komast út... Bara 10 dagar til stefnu...

Og hvað er líka að frétta af veðrinu hér... Það var komið þetta þvílíkt flotta veður um daginn og maður var alveg kominn í vorfílinginn.. En svo í vikunni kom bara þetta skítaveður með snjókomu og öllum pakkanum.... En á víst að skána um helgina og á mánudaginn á víst að vera 15 stiga hiti.... Þá verður nú gaman að vera til og búa á Akureyri...

Mamma og pabbi eru að koma heim núna í dag og það verður nú fínt að fá þau aftur heim... þau eru náttúrulega alltaf að koma og fara.. En núna munu þau nú stoppa í einhvern tíma þar sem pabbi fer að vinna í sveitinni... hehe Sveitastjórinn sjálfur...

Mér finnst rosalega leiðinlegt hvað við fáum sjaldan heimsóknir.... Ég veit að ég er búin að vera löt núna upp á síðkastið en það bara kemur aldrei neinn hingað til okkar... Hélt að þegar við færum úr herberginu í íbúðina að þá myndi fólk vera duglegra að koma í heimsókn...
Þau einu sem koma hingað eru Stella og Geir.. hehe Freyja og Steini svo vinsæl eitthvað.... En ætli ég verði ekki að vera duglegri að fara og hitta einhverja bara.....

Jæja ætla að hætta þessu væli og fara að gera eitthvað....

Freyja

Jæja..  ákvað að rita eitthvað hérna niður... þar sem þetta er frekar dautt blogg hjá mér... en hvað um það...

Er búin að vera í fríi núna miðvikudag, fimmtudag og föstudag þar sem starfsfólkið á leikskólanum fór út til englands í náms ferð... og ég ákvað að fara ekki með þar sem við erum að fara út eftir bara 2 vikur....

Já O MY GOD.... við erum alveg að fara út til florida... guð hvað það verður óendanlega ljúft að komast þarna út og fá smá frí.... Ekkert nema sól og hiti... maður bara fær sér morgunmat og svo beint út í laug... mmmmm ljúft....
Svo ætlum við auðvitað að reyna að versla eitthvað á litla krúttið okkar...

Maður er allur að tútna út þessa dagana..... orðin voða myndarleg núna...

Annars er lítið annað að frétta af manni... Geri lítið annað en að vinna og koma svo heim að reyna að gera eitthvað af mér hérna... Steini fór að heimsækja Geir þannig að ég er bara ein hérna heima að horfa á einhverja voðalega vitlausa mynd... Ætli maður fari ekki bara að drífa sig í háttinn fljótlega... Enda er syfja það eina sem hefur verið að hrjá mig á þessari meðgöngu... hehe Er alltaf syfjuð og þá sérstaklega á kvöldin... Þannig að maður er yfirleitt farinn bara snemma í háttinn þessa dagana....

En jæja, ætla að segja þetta gott i bili..

þangað til næst....

Freyja og co

Jeminn eini hvað tíminn líður hratt.. Allt i einu bara kominn Mars og mér finnst árið vera nýbyrjað.... Jæja þá...

Það er allt frábært að frétta af okkur hérna í Hvammshlíðinni.. Hundurinn stækkar og stækkar og ég er löngu hætt að ráða við hann... hehe Við vinnum bara okkar vinnur og erum þess á milli aðallega bara hérna heima.. Geri mest af því að laga til.. (að mér finnst) Sem er náttúrulega nauðsynlegur hluti af lífinu því miður...

Ágúst, Jói og Helena eru öll komin heim frá Ameríkunni og svo eru mamma og pabbi væntanleg í næstu viku... Verður gott að fá þau heim á klakann... Við erum svo búin að panta okkur ferð út til Florida í maí og ætla Stella og Geir að skella sér með okkur... Mikil tilhlökkun fyrir þessari ferð...

Hulda og Gústi eru búin að kaupa sér hús í Mánahlíð 9.. Keyptu húsið af mömmu hans og pabba... Eru reynar búin að rífa allt út úr því og flytja því ekki inn í það alveg strax... En það er einhvernvegin allt að komast í fastar skorður aftur.... Er búið að vera eitthvað hálf skrítið síðan mamma og pabbi fluttu út... Fyrst var ég hérna ein, svo kom Gústi með börnin og svo kom Hulda og við bjuggum öll saman í húsinu þeirra mömmu og pabba... Mamma og pabbi komu síðasta sumar og þá vorum við öll hérna í Hvammshlíðinni... Það var svolítið margt um manninn hérna það sumar.. hehehe En það verður fínt þegar Hulda og fjölskylda flytur í sitt nýja hús og mamma og pabbi í sitt hús.... Verður einhvernveginn allt "eðlilegt" aftur... Ekki það að það var óneitanlega svolítið gaman að vera hérna öll saman á tímabili.. hehe Við búum hérna niðri í litlu kósý íbúðinni okkar og það er bara mjög fínt....

Við hjúin tókum að okkur að passa Bjarka litla á föstudagskvöldið og fram á laugardag og gekk það eins og í sögu.... pínu skrítið að vera vöknuð kl 7:15 á laugardagsmorgni en samt var þetta bara gaman hjá okkur....

Jájá, eins og áður kom fram er allt fínt að frétta héðan... Ég hef verið að spá í því hvort ég eigi að skipta um stað og fara yfir í 123.is með þetta annars fína blogg mitt... Ætli það verði til þess að ég verði duglegri að blogga??????

En þangað til næst... hvenær sem það verður..

Freyja

Hæhæ allir saman... Þá eru loksins komnar inn myndir af Hector... Allt fyrir þig Ágúst... hehe

flottust... hehe

En annars er allt frábært að frétta.. jólin nálgast óðum og við verðum að fara að kaupa jólagjafirnar... Þurfum að fara að koma þessu frá... Ég er búin að ákveða hvað ég ætla að gefa Steina mínum þannig að það er mjög gott...

Stella mín er komin heeeeiiiimmm.... vúhú loksins.... gaman gaman...

flottastar....

voða gott að fá loksins Stelluna mína... hún fer þá að kíkja á mig þegar gæjarnir okkar vilja spila og syngja saman... Er það ekki Stella mín

Alltaf svo gaman þegar við djömmum saman elskan......

En ég hef svo sem ekkert meira að segja í bili... er frekar mikið að gera hjá manni þessa síðustu daga fyrir jól þannig að ég býst ekkert frekar við að blogga neitt fyrr en við komum austur...

En jæja.. Segjum það í bili..

jólakveðja...

Best í heimi...

Steini & Freyja

Það er svona gríðarlega gaman af þessu öllu saman...

Það er EKKERT að frétta síðan síðast... Ég geri lítið annað en að vinna og vinna og vinna... Reyni svo þess á milli að vera heima með kallinum og þrífa heima og svona fínheit.. Er samt farin að sakna þess að hitta ENGAN lengur...

ohhhh sakna þess svo að hitta þig elskan mín

En já eins og ég sagði, ekki mikið að frétta, hundurinn stendur sig vel, sest þegar maður segir honum að setjast og er líka farinn að heilsa manni... hahaha bara sætur, réttir manni loppuna þegar maður segir sæll...

Ég er að hugsa um að vera ekkert að blogga um það hvað lífið mitt er eitthvað óspennandi þessa dagana, en ég er samt með þær góðu fréttir að ég á bara eftir að vinna 3 vaktir á Símanum.. Þá á þetta nú vonandi eftir að skána helling og ég fæ meiri frítíma í miðri viku.. Steina gengur bara vel í vinnunni sinni eins og við er að búast.. Svo duglegur þessi elska...

En jæja, ætla að fara að halda áfram að hringja í fólk... gaman gaman...

bæjó í bili

Freyja Dan ofurhamingjusöm

Já takk fyrir pent.. það er kominn 17. oktober og mér finnst eins og sumarið hafi verið að byrja í gær!! það er orðið svo kalt í útiverunni í vinnunni að maður er gjörsamlega frosin frá toppi til táar...

En já, eitt stykki blogg segiði.. það er svo sem ekki margt búið að gerast síðan síðast... Átti reyndar afmæli 7.okt og varð hvorki meira né minna en 22 ára gömul... já ég segi gömul. !!!! En afmælisdagurinn var bara mjög fínn, við fórum á laugardagskvöldinu í sjallann á í svörtum fötum þannig að sunnudagurinn 7. var tekinn í rólegheitum.. Fékk smá afmæliskvöldverð að hætti Bjargar tengdó á laugardagskvöldinu og það var rosalega fínt.. Svo komu Stella og Geir og Rakel kíkti líka aðeins og við fórum svo fjögur í sjallann... En svo á sunnudeginum kíktu nú samt Rannveig og Vilberg með litlu bjútíbolluna sína í heimsókn og svo kíkti Thelma elskan líka um kvöldið.. voða gaman að fá svona smá heimsóknir á afmælisdaginn

En svo fórum ég og Steini með Hector á hlýðninámskeið um síðustu helgi og það var bara mjög svo gaman... við lærðum helling af þessu og það gengur bara rosalega vel með hann... Ég fer svo vonandi að fara að setja inn myndir af honum fljótlega... Leyfa ykkur að sjá litlu dúlluna okkar....

En annars er allt gott að frétta bara, lífið gengur sinn vanagang með vinnu og hundauppeldi... við hjúin ætlum svo að skella okkur austur á Vopnafjörð um næstu helgi... ætlum að fara og hafa það gott þar og fara eitthvað með hundinn að leika í sveitinni og svona..

en jæja, ætla að hafa þetta nóg í bili bara.. þið hafið það bara gott öll áfram...

Sælir... Freyja

Góðan og blessaðan!!

Jæja þá er maður kominn heim frá Florida og ekki get ég sagt að Íslandið góða hafi tekið á vel á móti okkur... það er búið að vera skítakuldi og viðbjóður síðan við lentum... En það var algjör snilld úti og margt brallað... við fórum í nokkra garða og misstum okkur í rússibönum og rennibrautum, versluðum heilan helling og slöppuðum af þess á milli í lauginni heima í Goostry...

En nú er hversdagsleikinn tekinn við og ég og Steini fórum auðvitað bara að vinna á fullu þegar við komum heim.. Ég er meira að segja byrjuð að vinna í félagsmiðstöðinni í Glerárskóla tvö kvöld í viku og svo er ég ennþá á Símanum eitt kvöld í viku... þannig að það er nóg að gera svo sem.. Steini greyið er reyndar orðinn frekar þreyttur á að vera alltaf einn heima á kvöldin en maður verður að reyna að ná sér í einhverja money...

Svo fengum við hundinn okkar á föstudaginn og við gáfum honum nafnið Hector... Hann er alveg svartur og alveg rosalega fallegur og góður... Þannig að núna er Steini nú ekki eins einn heima þegar ég er að vinna á kvöldin og hefur meira að gera..

Nú erum við búin að koma okkur rosa vel fyrir hérna á neðri hæðinni í Hvammshlíðinni og íbúðin orðin rosa sæt og kósý... Verst hvað það eru fáir búnir að koma í heimsókn... En svona er þetta.. Annars er lítið annað í fréttum hjá okkur.. Ég geri voða lítið þegar ég er ekki að vinna... Reyni að vera sem mest heima að halda íbúðinni í lagi og vera eitthvað með Steina mínum...

En ég er búin að setja inn myndir frá afmælinu hjá Kiddu og Rakel sem þær héldu uppá 6. apríl... hehe pínu sein í þessu en það er betra en aldrei... Svo fer ég að setja inn myndir frá Orlando þegar netið kemur í tölvuna hans Steina því allar myndirnar eru í henni og líka myndirnar af Hector... Reyni svo að vera dugleg að setja inn myndir af honum hérna líka..

En ætla að enda á smá sýnishorni af myndunum, mjög svo skemmtilegar myndir, endilega tékkið á þeim...

ég og Steini minn

bestar... ;*

ég og Stella mín.. ohh sakna þín svo... ;(

Steini og Svenni... flottir

bestar.. ;*

ég og Kidda mín...

Jæja þangað til næst..

Freyja Dan

og hvernig væri svo að kvitta fyrir sig

Já takk fyrir, það er sko allt of lang síðan ég bloggaði síðast og það er líka alltof mikið búið að gerast... ég er að hugsa um að setja þetta bara í svona litla punkta svo ég missi ekki of mikið úr sólinni...

Ég lofa ég er alveg að fara að blogga....

Er bara svo ekkert í tölvunni eiginlega núna í sumar, en ég fer að koma með gott blogg og jafnvel alveg heilan helling af myndum.. Ég er nefnilega búin að vera ágætlega dugleg að taka myndir þó að ég sé ekki búin að setja þær hér inn...

En þetta fer alveg að koma hjá mér, ég lofa....

Þangað til þá...

Freyja Dan

ein flott af glöðu kínverjunum... hehe

hehe

og svo ein af mér og Sonju elsku...

Svo sætar.....